1
Kunsa kunsa sirïtasa
Willjtaru sartiri
Chhaypthapiruru ikiri. Inti
2
Kunsa kunsa sirïtasa
Kusa lawana jakiri
Sank’asa jiwt’iri Nina
3
Kunsa kunsa sirïtasa
P’iqita yuriri
Jakkipanxa chuyma qhanart’ayiri Panqara
4
Kunsa kunsa sirïtasa
Jalasa, jalasa,
Jilanakampi chikacht’asisa ch’amanchasiri Uma jawira
5
Kunsa kunsa sirïtasa
Walqi yuriri,
tukusiraruxa ch’usa Wata-mara qillqa
6
Kun kuns sirïtasa
Q’illu llawuni,
Yuritata jan sartiri, intiru arkasa Inti arkiri panqara
7
Kunsa kunsa sirïtasa
P’ampachatata jilsuri, pataru sarasa.
Suma sayt’ata jiwiri Quqa
8
Kunsa kunsa sirïtasa
Qariña, ikiña, purak usu, aparqayiri
Ukhamarusa arust’awi ch’amachiri. Kuka
9
Kunsa kunsa sirïtasa
Ch’uxña yuriritwa, imañatakixa ch’iyartata
Wilaptasina, k’ajkiri, tukusta K’illima
10
Kunsa kunsa sirïtasa
Q’iptatapuni sarnaqiri
Jani samart’asa, yuritata tukusiñkama K’isimira
11
Kunsa kunsa sirïtasa
Uraqi mankhanakana jakasiri
Ch’usa purakansti tawaqu wayna jachayiri Kirkinchu.
12
Kunsa kunsa sirïtasa
Warurt’iri
Chuyma qhant’ayasa Jamach’i
13
Kunsa kunsa sirïtasa
Pallalla kayuni
Ch’ina kiwisa sarnaqiri Pili
14
Kunsa kunsa sirïtasa
Llika llika llikachasa
Manq’añataki Kusi kusi
15
Kunsa kunsa sirïtasa
Uta q’iptata, jani kayuni sarnaqiri.
Sarnaqasaxa qulq’i ch’ankjama jaytiri. Ch’uru
16
Kunsa kunsa sirïtasa
Ch’uxña isini
T’isktasa t’isktasa sarnaqiri T’isku t’isku
17
Kunsa kunsa sirïtasa
Kayutpuni puriri
Sunkampi tupsuri Phisi
18
Kunsa kunsa sirïtasa
Jani kayuni jaliri
Llawthapita ikiri Asiru
19
Kunsa kunsa sirïtasa
Jisk’asa, jach’asa
Uta manqha qhanantayiri T’uxu
20
Kunsa kunsa sirïtasa
Phucha tayka
Mach’ikasisjama jaljiri Khuchhuña (Tijiranaka)
21
Kunsa kunsa sirïtasa
Uruxa jaqi q’ipt’ata
Arumasti samart’iri Wiskhu
22
Kunsa kunsa sirïtasa
Utana imata utjasiri
Mistutatsti qhant’asa tukusiri Sijtiyiri phusphuru
23
Kunsa kunsa sirïtasa
Jutasa sarasa jist’antiri
Justasa sarasa jist’ariri Punku
24
Kunsa kunsa sirïtasa
Suk’antata suyt’iri llawu manqhana
Mistutatsi jiq’isa tukusiri Pitaña (cigarrillo)
25
Kunsa kunsa sirïtasa
Jach’a lakani
Kayu uquntata sarnaqiri Wiskhu, sapatu
26
Kunsa kunsa sirïtasa
Jat’ita jat’ita jarawiptiri
Imillanakaru chuyma ch’alljtayiri Charango
27
Kunsa kunsa sirïtasa
P’iqin kayuniwa jakasiritwa
Jaqiru utaparu puritatsti, jachayiri. Siwulla
28
Kunsa kunsa sirïtasa
Walja nayrani, jan uñjiri
Nayrata ali p’utsuyiri, uraqi manqhana mirantañataki. Ch’uqi
29
Kunsa kunsa sirïtasa
Q’illu chuymani, janq’u isini, muruqt’ata.
Qunuqipatatsti ansuri. k’awna
30
Kunsa kunsa sirïtasa
Qhaturuwa sarta alañataki
Utaru kut’anta altampi jachanataki Siwulla jachiri tayka
31
Kunsa kunsa sirïtasa
Patana utjasi
P’itirixa, p’itasa, p’itasa Kusi kusi
32
Kunsa kunsa sirïtasa
Amutu, juykhu, uqara,
ukhamasa taqiniruwa uñjasiyta Lirpu (ispiju)
33
Kunsa kunsa sirïtasa
Ipa tayka, luqhi tayka
Jiphilla lakani Guitarra
34
Kunsa kunsa sirïtasa
Jani lakanisa arsuri
Jani kayunisa jaliri Qillqata (carta)
35
Kunsa kunsa sirïtasa
Jiska tañaki, chupikt’ata,
Wich’inkata warkuta puquri. Luqutu
36
Kunsa kunsa sirïtasa
Janiwa atipt’kitasmati
Janirakiwa jalakitasmati, Jumampuniskawa. Ch’iwi
37
Kunsa kunsa sirïtasa
Janq’u, khunjama,
Rijsuñataki jaqin p’iqiparu puritapa. Qillqa laphi, papila
38
Kunsa kunsa sirïtasa
Sitasmati kunasa puri,
jan uñjata katuntirixa. Iki.
39
Kunsa kunsa sirïtasa
Jan nayranisa
Mä tuqita uñjapxi T’uxu
40
Kunsa kunsa sirïtasa
Pä chachawa sarasipki.
Sapa mayni sasisa: naya nayrtä, naya nayrtä Las piernas.
41
Kunsa kunsa sirïtasa
Inti jalsuruxa jach’a
chika ururuxa jisk’a, jayp’untarusti jach’a Ch’iwi
42
Kunsa kunsa sirïtasa
Janq’u janantana yuriwayta ch’ujñaru purintañkama
Wali t’aqisisawa q’illuru tukusta. Limuna
43
Kunsa kunsa sirïtasa
Jaqixa, ninaruwa t’aqisiyapxitu
Suma apnaqiwinakaparuxa t’aqisiña yapapxitu Lawa (Leña)
44
Kunsa kunsa sirïtasa
Ch’ujña q’ichichi jamach’i, lurjama
Qhuru, urqu wakjama Lucutu.
45
Kunsa kunsa sirïtasa
Utanxa llawuta
Anqansti jiskhatatäta Wiskha (soga)
46
Kunsa kunsa sirïtasa
Kunanpisa phuqantaysna
kaja phisnañapataki P’iyanaka phuqantayasa.
47
Kunsa kunsa sirïtasa
Qalltaparuxa jisk’a
Jilatataparusti janiwa uñjañjamakiti Ch’amaka
48
Kunsa kunsa sirïtasa
Ch’illiwa, kuna jathikamasa, apiri
Mallasti, kuna phisnakamasa, janiwa atkiti Jawira
49
Kunsa kunsa sirïtasa
Jakkiri uñjataxa willa
Jiwata uñjatasti ch’iyara Nina
50
Kunsa kunsa sirïtasa
Palqalqu jila sulkapxtwa, taqpachani kikipa
Mä tuqitxa qhana, maysa tuqitsti chámakt’ata Simana urunaka
51
Kunsa kunsa sirïtasa
Pá warmiwa sarasipki, sapa mayni wawapampi.
Qhawqha phullsa uchasipxi Kimsa
52
Kunsa kunsa sirïtasa
Quqatsa juk’amp jach’a
Phuyutsa jukám phisna Jiq’i
53
Kunsa kunsa sirïtasa
Juk’am jariqataruxa
juk’amp q’añu Jariña uma
54
Kunsa kunsa sirïtasa.
Pä wawanaka, sapa maynisa t’uxupana,
Taqi uñjampxi, taqi yatiyapxi, jan arsusa Nayranaka
55
Kunsa kunsa sirïtasa:
Jisk’a muruqt’at kajita, janq’ulltata q’atawjama
Taqiniw jist’araña yatipxi, jist’antañasti ni khiti. K’awna Huevo
56
Kunsa kunsa sirïtasa
Arsutatatatxa
p’akinta Ch’uju
57
Kunsa kunsa sirïtasa
Taqi jaqin utji, yuritapar qatuqasa
Jiwañkama Suti
58
Kunsa kunsa sirïtasa
Taqiniwa takkaqapxitu
Janiw nayaj qhitirusa takjakirikti Thaki
59
Kunsa kunsa sirïtasa
Patana, jan unjtasa, waranqanaka.
Mayninakä k’ajasipki, yaqhipanakasti jiwasipki. Warawara
60
Kunsa kunsa sirïtasa
Ch’ujñana yurita, pallalljata, p’uchuna imata.
Mistutatsti kankañana kankayapxitu Chunkila. Aceite
61
Kunsa kunsa sirïtasa
Chujñata ch’iyarta
Jayu umana, qurichasiñkama Aceituna
62
Kunsa kunsa sirïtasa
Chujñata mistuta, janqúllallkama
Muxsachañataki jakina jakawipi. Asucara
63
Kunsa kunsa sirïtasa
Luxuntataxa, muxsachata,
Wawanakaru kusirt’ayañataki Luxota, helados.
64
Kunsa kunsa sirïtasa
Tataxa artìri, nayasti jani amutu,
janq’u isisini, q’illu chuymani K’awna
65
Kunsa kunsa sirïtasa
Pìqini, jan nayrani, jan nasani
Janchijasti lakaki. Ajusa
66
Kunsa kunsa sirïtasa
Umata mistuta, lupiwa uywasi
Umaru kut’atasti jiwi Jayu
67
Kunsa kunsa sirïtasa
Jaytataxa k’isachasi, aljataxa pist’asi,
Umañatakisti takita Uwasa
68
Kunsa kunsa sirïtasa
Qalltapaxa mayaki
Tukusiñapasti jan tukusiri Jakhuña
69
Kunsa kunsa sirïtasa
Waranqa waranqa wawatxa nayriri yuriritwa
Ukhamarusa takinitsa sullkiritwa. Maya jakhuwi.
70
Kunsa kunsa sirïtasa
Arumamtixa pusi kayuta, chika ururusti pä kayuta,
Arumt’arusti kimsa kayuta, sarnaqiri. Jaqi
71
Kunsa kunsa sirïtasa
Thuquñatakixa llawuntata, jan llawunisti janiw thuqhukirikti.
Thuqhuntawirusti llawurasta, llawuntatasti janiw thuqhunkiriskti. Trompo